وقفة على العباس

اللواء و الأمانة وين *** وين و الچفين
ضاعت آمالي خويه من *** من هامه و عين

ظهري ياخويه انكسر من حزني من حزني

ياخويه گبلل فگدك *** دلني على الصبر بعدك

و أحسب همي و جروحي

حيله ما بگت ليه *** شمت العدا عليه

من شافتني بروحي

لا تگول انك موذر *** مَينساب لا تتعذر
صبري بذبحتي عگبك *** بس شحيلة الخِدَر

للحرم و اليتامى عود *** عود ويه عود
و بحنانك عليها جود *** جود يابو الجود

گبللي ضيع هلدهر ضيعني ضيعني

اللواء و الأمانة وين *** وين و الچفين
ضاعت آمالي خويه من *** من هامه و عين

ظهري ياخويه انكسر من حزني من حزني

بيدي الراية سلمتك *** و عن معناها كلمتك

يالما توعد و تخلف

و الحين انته عالغبرة *** و حسرت مهجتي حسرة

و اشتعلي له هلموقف

ساعة و أرتمي گبالك *** ضامي و حالي من حالك
بس أرد انشدك زينب *** ما مرت على بالك

يا عمدها و عمدها آه *** آه من فرگاك
تسأل عليه و تبچي آه *** آه وين الگاك

و كل ما نادت يالگمر تفجعني تفجعني

اللواء و الأمانة وين *** وين و الچفين
ضاعت آمالي خويه من *** من هامه و عين

ظهري ياخويه انكسر من حزني من حزني

دربي من الحِزن غيَم *** شيوجهني المخيم

و انته على الترب نايم

خويه لخاطر سكينه *** لا تسألني چا وينه

انهض يا گمر هاشم

تدري شيرمي بيها الهم *** لو گلت لها راح العم
اخاف تموت و لو ظلت *** يتجارى على خدها الدم

ما تصدگني عمها مات *** مات بالمسنات
و الملامه وگتها فات *** فات بالحسرات

ترضى يذبحها الخبر ما ظني ما ظني

اللواء و الأمانة وين *** وين و الچفين
ضاعت آمالي خويه من *** من هامه و عين

ظهري ياخويه انكسر من حزني من حزني

گبلل اتوارى عن جسمك *** تمنيت احچي وي سهمك

و افتح گللبي لأوجاعة

ليش أول بدا بعينك *** و ما بدا بحشى حسينك

ماگدر انتظر ساعة

و على الهامه يمشكر *** ليش العمد ما تأخر
گدم للحجر راسي *** و خلى دمومي تتطشر

هب عليه الزمان و دار *** دار بالأكدار
و بمصابك شعلني نار *** نار يالمغوار

مصرعك جنب النهر نحلني نحلني

اللواء و الأمانة وين *** وين و الچفين
ضاعت آمالي خويه من *** من هامه و عين

ظهري ياخويه انكسر من حزني من حزني

مقالات ذات صلة

اترك تعليقاً

زر الذهاب إلى الأعلى