أدب المقاومة

عتب الغربة

يبو فاضل زينب غريبة اتصيح *** يبو فاضل بلا كافل

أسفي عليك تروح وما راحت بعدها اضعوني

سهم عيونك مو أشد من هالجرح بعيوني

أنا لو ظنيت البشر كلهم بعد ينسوني

ترا نسيانك ليّه ماكنت احسبه من ضنوني

ومشى صبري بعكس اتجاه الريح *** يبو فاضل بلا كافل
يبو فاضل زينب غريبة اتصيح *** يبو فاضل بلا كافل

أنا ظميانة وما شغل قلبي انتظار القربة

وحياتك كنت انتظر نظرة اخويا وقربه

ولا ادري حِسب العمد راسه انفضح لو قلبه

إذا قالوا هذي اللي خلاها اخوها بغربة

ولا تحتاج الغربة للتوضيح *** يبو فاضل بلا كافل
يبو فاضل زينب غريبة اتصيح *** يبو فاضل بلا كافل

على عتبي تقول اعذريني راحت مني الإيدين

ولا تتخيل حالي مثلك واصعب يا نور العين

اذا قِطعوا منك اليسار وقبله انقطعت اليمين

أنا قطعوا مني العباس وقطعوا من بعده حسين

على حالي دموع الجماد تسيح *** يبو فاضل بلا كافل

يبو فاضل زينب غريبة اتصيح *** يبو فاضل بلا كافل

ولَوْ انك فوق الثرا وجسمك يا خويا مرمل

بعد اتوجه لي بشعورك واستمع واتأمل

أنا يوم العفت الوطن بيدك عدلت المحمل

واذا صار الحين الشمر حادي الظعن تتحمل

محد اتحمل مثلي هالتجريح *** يبو فاضل بلا كافل
يبو فاضل زينب غريبة اتصيح *** يبو فاضل بلا كافل

جرحي براسك ذكّر احساسي بعلي والطبرا

وجرحي ابعينك يشبه اللطمة اللي في عين الزهرة

بعد اشلون جروحي عقب اللي اشوفه تبرا

وانا رديت افقد ابويا وامي فوق الغبرة

أمل بقلبش ما رفعته يطيح *** يبو فاضل بلا كافل
يبو فاضل زينب غريبة اتصيح *** يبو فاضل بلا كافل

اترك تعليقاً

شاهد أيضاً
إغلاق
زر الذهاب إلى الأعلى