خاطر طفلة

يزاير مرقد العباس *** إذا ردته بألم وأحساس
إخذ وياك طفلة *** طلبها يكون أغلى
وللحاجات سئلة *** تعوف سكينة

يل معتني قلب العطوف *** عباس أبو الشيمة الوفي قصد الزيارة
وياك أخذ طفلة بعمر *** بنت الحسين البقت رهن أنتظارة

خلها تون .. يمة وتحن .. وتناشد بالوعود

تالي الصبر .. شوف القبر .. عين ودمع وأخدود

من حيرتة .. ومن غيرتة .. يهتز بلية زنود

مايحتمل .. تحت الرمل .. ويدور أعلى الجود

يناديك أحچي وأطلبني *** عتب هالطفلة ذوبني
رجعت ومات صبري *** وظل يموج قبري
تسايل شوق صدري *** تعوف سكينة

خل طفلتك يم القبر *** تشكي العطش وتعاتبك كلك مشاعر
يبوالفضل انتة الحنون *** وأنا أعلى بابك ماأظن لية خاطر

ماظن بعد .. تنسى الوعد .. ناظرني عين بعين

قول أشكثر .. صرت أنتظر .. جاوبني وعدك وين

وبوقفتي .. من لهفتي .. مديت إلك اليدين

لو في الدهر .. تنسى البشر .. ماتنسى بنت حسين

بعدها أسمع من أوداجة *** يزاير يطلب الحاجة
فتحت أجروح بية *** من الأوجاع دنية
أبد لاتقول لية *** تعوف سكينة

لاتكتفي وخل طفلتة *** تحمل اعلى أيديها طفل وتفرفر أيدة
وترجع للي مضة *** وتقلة عبدالله بسهم شقوا وريدة

بس هالجرح .. لو ينفتح .. تلقى الصحن مواج

أو من الندم .. تغرق في دم .. يلطم عالاوداج

مشهد صعب .. يدمي القلب .. مالة يولي أعلاج

من ترسمة .. حتى السمة .. تدفعلك التحتاج

إذا نخيته بالمنحور .. رضيع الجنة في عاشور

تقر العين يمتة *** وعليك أعتاب وأنتة
رضيع حسين عفتة *** تعوف سكينة

بعد العتب مرة أستمع *** لجوابة انتة وطفلتك يل تزورة
ماخيبك راعي الوفى *** لكن له الحق يحچي وأفهم شعورة

لو قال أنة .. من چم سنة .. مصيوب وتجري أدماي

عفت النهر .. طول الدهر .. ساقي وخصيمي الماي

غير الضمة .. ماأهضمة .. وأتصوبت عيناي

وحدة بسهم .. وحدة بألم .. وچفوفي ماهي وياي

وإذا صاب العمد راسي *** عتبكم صوب أحساسي
يزاير ليك حبي *** وعلى الأيام عتبي
إذا يسئلون قلبي *** تعوف سكينة

مقالات ذات صلة

اترك تعليقاً

زر الذهاب إلى الأعلى