الفقرة الرابعة
قد أتينا لكم في الأربعين
قد أتينا ننادي أين قتلانا؟
كربله بانت نواحيها *** بينت أرض الأخو الغالي
يا علي أشر على الحادي *** لو وقف لزيارة الوالي
أنتظر هالساعة في بالي
من زمن عفت الأخو نايم *** بالثرى وشالوني بعيالي
شالفكر أتخيل الصوره *** في السفر تتجسد قبالي
شوفتك مرمي على التربان *** بالدما يا عزي وظلالي
غيرت يا بوعلي حالي
أفتكر يوم إللي وصلني *** يشتكي والصهله ترثالي
عاينت أطفالي هالموقف *** طالعت سرج المهر خالي
وأفتكر هجمة بني أميه *** بالخيم وش أفتكر تالي
هالسفر فيه الدما فالي
وصلناكم يا والينا *** ومدينا أيادينا
عند القبر جينا وقعدنا نصفق الجف
حتى الدمع يا بوعلي في كربله جف
شفت القبر ينفتح والدما جريه
شفت الأخو نظرته عاليه وأبيه
جنه يقول الصبر يختي للرزيه
درب يصعب على زينب *** وجمراته غدت تلهب
شوفيني يختي في القبر جثه بلا راس
واتذكري جسمي بحوافر جيفه ينداس
بنت الرسالة .. وصلي رسالة
من كربله للمدينه والى البريه
ويش اسوي .. يا خليصي
حنت أيتامك على ظهور الهزل صعبه
يالأخو سياط العدا ماتكتفي بضربه
وإحنا نسوان ويتامى والبلد غربه
يكفي من طفلتنا ماتت حسره قربه
كنت أسايل .. يبو فاضل
وينه شايل العلم عند النهر نايم
مادرى لو يدري لكن سيفه مو سالم
راحت شماله ويمينه بضربة الصارم
أنتخي الأكبر علي لو أنتخي القاسم
يا اخوتي بالألم *** دمعتي نازله
أشكي لله وأون *** باللي أتحمله
بدروبي والسبايا *** من ودونا هدايا
دخلونا مجلس الطاغي الداعيه
لو هو قلبي جبل *** هدته النازله
لكن قلبي صبر *** والصبر أحمله
شيب راسي زماني *** وين الوالي نساني
تدري زينب صار إسمها الخارجيه
خلت تراب القبر ياويلي وبالدمع امتزج
ضاقت الدنيا علينا وجينا نتلقى الفرج
ياحبيبي وانت ادرى *** هالبلايا مستمره
اقعد قبالي اسولف لك وافصل هالسفر
واستمع شكواي وشكوى هاليتامى والقهر
يا عزيزي ماهي سهله *** وينه عزي عني ولى
يختي يامحزنه هالدرب تمشينه *** والبلى تشوفينه يختي والأيتام
اصبري يازينب عالرزايا كله *** والصبر يتطلب قصة الآلآم
نادته ياويلي انت ادرى بحالي *** مبتليه عيالي من عدا ظلام
والمحن نتجرع بالألم نتوجع *** بالأخو نتصدع والله ما ننلام
قد أتينا لكم في الأربعين
قد أتينا ننادي أين قتلانا؟
