أدب المقاومة

يا خوية حسين أطفالك تنادي

يا خوية حسين أطفالك تنادي *** خذونا لليسر گوم الأعادي
وجابوني سبية *** على ظهر المطية

يا خوية الشام ما بيهم حمية *** شماتة وذل وأحزان وأذية
يشيال العلم إحضر إليه *** ترى إحبال اليسر أثر عليه
وأنا حرمة غريبة وأجنبية *** ولا عندي عشيرة ولا حمية
وطف الغادرية *** رماني بكل رزية

وذلوني يا شمامة الهادي

وعاتبكم يمگطوع الأيادي


إجت لرجاس تتفرج عليّه *** ينظروني ويگولوا خارجية
وأني بنيران گلبي ملتظية *** بلا مگنع وساتر ما عليه
يابو الشيمات وتستر بيديه *** ماترضى الشيم يابن الزچية
بكل شدة وبلية *** شفت بيها المنية

حرم وأيتام وبولية أعادي

وأني حرمة ضعيفة وگلبي صادي


أهالي الشام يا خوية معيدين *** يگولوا جو سبايا الخرجيين
إجو الرافضة إلخرجوا عن الدين *** ومنهم ثارنا مأخوذ بحسين
وكل ثاراتنا في بدر وحنين *** ومن حيدر علي وكل الشياهين
شعدد من بلية *** وشذكر من رزية

وشفت الضيم من وادي لوادي

وصار النوح والحسرت زادي


يا خوية حسين ردنا للمدينه *** ترى العدوان ما بگت علينا
وعلي السجاد فت گلبي بونينه *** حديد وجامعة وهم يسحبونه
بحد السوط ويلي يضربونه *** وهو محني الظهر تدمي عيونه
يا هي حالة شجية *** فرت چبدي اللظية

أجر الآه بس ذايب أفادي

وطالت غيبتك عزي وسنادي

اترك تعليقاً

شاهد أيضاً
إغلاق
زر الذهاب إلى الأعلى