بس الليلة

زينب والضرب يجري على متوني *** ودم حسين يجري بدمعه عيوني
أنا ناديت عدواني للتوديع ريضوني *** بس الليلة ويا حسين خلوني
باچر وين ماتريدون ودوني *** باچر وين ماتريدون ودوني

شفني الوجد والدمعه چوت مجراي *** ورد كَلبي ظمى عيالي وذبيح ولياي
أنا ناديت خلوني أقضي هواي *** من المنحر لخوية مكَطع الچفين

علِيلهِ بشوف عيني وعند أخواني ادواي *** عسى هالروح لاچانت ولا بلواي
تشيلو أسهام جوفه وصوبو بحشاي *** وخل تسفح ادموعي دون أخوي حسين

على الغبره فديتك ياحريم الماي *** فديتك نظر عيني يانظر عيناي
أريدك وِكَع حملي وخونت دنياي *** ومابيدي احدي غير دمع العين

زينب والعتب يشجي على المذبوح *** مشدوها العب جثه بليّ روح
أنا نخيت ولياني *** عسى العدوان يرجوني

حَشِد من بيت ابو طالب عليَ أتحوم *** صُبَح بالخير وَجَهچ والمسى منعوم
مزاهرهم تخجل بالسعا لنجوم *** هلاهلهم وجيج الحاج محترمين

طوالعهم عليها من البدور ارسوم *** صوارمهم لهب الصوت شب أضروم
زواجرهم زجل البرعود يوم غيوم *** حمايلهم نياشين الطعم للحوم
محاربهم تقول الحشر حل اليوم *** عليّ بهم تجب لسيوف ملتمين

زينب بالعشيره خابت أطنوني *** يضربوني ونادي ومايسمعوني
والله ونْ ضلمتوني *** ضرب ونياح يشجوني

أجدي بيش دربي بعد ظي الشوف *** عمت عيني على ابن امي بعد ماشوف
ذبيح وطيحتك خوي ابحر الجوف *** وسف ياريت من كَبلك أخدني البين

يابعد الروح خذ قلبي دوى الجروح *** وكَلي ياجرح منك طِلعت الروح
أظنه ياحبيب نحرك المذبوح *** لوسهم الذي خل الكَلب نصين

على المذبوح رفي ياحمام الدوح *** وفيّ عليه هاكَلبه من ظُماه يفوح
يهب شمال بهداي غدوه أتروح *** على أبن امي ترى عاري بلا چفين

زينب عند أخويه لو يعوفوني *** لكَظي شوق عمري وعشرت سنيني
ياعلات تعذبيني *** على ظيمي وتسليبي

وحگ در اللبن من فاطمة أمُنا *** تجاوبني عليك المصطفى جدنا
عبدالله طفل من خمْْد الونا *** على صدرك تگلي أشحالتك ياحسين

تگلي أشحالتِك يوم السهم طنا *** وطوح رگبته يستگبل الجنا
ومن حر السهم شدّو قطع ردنا *** وشبچ بيديه وحاضن رگبتك يحسين

تگلي الروح منك لو اطلعت ونا *** ودمه سال لو دمعك على الوجنا
بنشدك چيف ضميته وهو محنا *** دمه والسهم طابگ بالوريدين

زينب وبمصابي لاتلوموني *** أصك بشيب راسي وين يعيوني
يروحي وياسعد دنياي *** أظل يمك رجيت اعداي

وحق منذو الصبى عشنا يعزيز احماي *** أبونا المرتضى وفضل الإبانه وياي
أنشدك من رفع لكبر الك شكواي *** وگلك بالظين وماتبصر العينين

نجم ظلمه سحر بالجيش يامحلاه *** گمر ظل الگمُر ينهل شعاع أظواي
تگلى أشحلاتِك يوم أنقِتل الجدناه *** وراواك النبي بعالم التكوين

وحط العين بعيونك يريد أجزاهي *** شربت ماي يانبع الوفى ومجراه
عليك يحوم ويصيح العطش أظناه *** عطش وحروب وماترهم يابويه حسين

زينب والمصايب ذبلن عيوني *** غير الموت مايگدر يسليني
أنا ناديت والشبان *** عليها سافي التربان

يخويه الولد جاسم بالترب شفناه *** وشد مايفجع أمه هامته وحناه
جزينا المجتبى بالوفى وعرسناه *** وصحنا ياهواشم عن المعرس وين

مابين السعد والبين زفيناه *** وهلهلنا بدمع وبنوح نجيناه
جبرنا خاطره محروم سليناه *** وصحنا يا معّرس ندب ناعمي البين

يتيم المجتبى مايصير ياعباس *** ماتحضر زفاف يا أبو النوماس
مايلوگل العتب عليّ اليّ بلياماس *** وجوده والعلم مرمي على الچفين

زينب وأنتخي بغربه هلي وقومي *** وفيت على الجنايز رأفتي وحومي
تطير الروح للمظلوم *** ونادي لو سويعه يوم

و حق ضيعت خواتك ولولي حيدر *** توصف لي گمر من طاح وتگنطر
وسوى من فگد چفيه وتحير *** وميل بالرگا والسهم شگ العين

بنشدك وگع جوده لوبگى بالمتون *** يحامي عليه مايدري سهم لعيون
يضربونه بلا چفين لو يرحمون *** تگلي أشلون رد اعداه بالزندين

بنشدك من وگع من فوگ ميمون *** طاح السهم منه لو عمى عيونه
على وجه وگع من غير چفينه *** لو مد ملك جبريل لن جنحين

زينب والدهر صكني على عيوني *** بعد عباس وين الشوف دلوني
انا ناديت بالكافل *** عتبته ولعتب چاتل

عبدالله صغير اليّ شبك نحرك *** من حرّ السهم وأنت حرت باأمرك
دفنت لو بقى يابس على صدرك *** يلهب عليه لاهوب الفلى صوبين

اجتني أمه الرباب أتصيح قومي وياي *** اروح المعركه وياچ أجيب الماي
بروح أسگي حبيبي حسين ويه أظناي *** اهو أوليدي صغير على العطش والبين

غصن بانو نبع ريحان واگلبي *** طري العود حليّ اجعود متربي
لطيف الروح طِيبه يفوح واحبي *** تدلوني عليه أنخسف نور العين

زينب والدهر يشكي المحن مني *** شيبته صبر بلواي وأنحلني
أحچايه على الزمن ضليت *** لوعنه يخويه أمشيت

سلام الله يخويه عليم حاني الشيب *** سلام الله عليك أنوار تضوي الليل
سلام الله على صدرك تدوسه الخيل *** بعد ما داسه الملعون بنعلين

خطى ظني لقيتك منجدل برغام *** على وجهك يوجه الكون چيف أتنام
ما أقدر أجي اليك وأترك الأيتام *** وينران الخيم شبت على الطيبين

عليك أٍسم الله يادم القلب والروح *** نحر مقطوع وگليبي السهم مجروح
جسد عريان وبحر الشمس مطروح *** يذوبني جمالك ياعظيدي حسين

زينب والگمر عباس ضيعني *** وخلاني شمر بالسوط يضربني
أنا عالهظم ما أگدر *** عزيزه في خدر حيدر

من طيبه تقوم اليوم يازهراء *** الى أبيچ يالبتول هودي نجره
ييمه غسليه أبهلت العبره *** ترى مرمي على وجهه العزيز حسين

تگنظر بالعطش واتوسد الغبره *** رضيعه يابتول موسد بصدره
يزيد من الظمى فوق الوهج حرى *** يازهراء بالشمس ولهم شب نارين

مثل ظلعچ يايمه مكسر الأضلاع *** جسمه بالمواظم موزعينه أوزاع
تگومي بلكي أتنالين من أوداع *** على طول تمدي الطول يم حسين

زينب والبتول أمي توصيني *** تقبل حسين في نحره وتذكر يميني
أنا وفيت يايمه *** وأديت الفرض لمه


الشاعر غازي الحداد | ديوان الحزن المعشوق

مقالات ذات صلة

اترك تعليقاً

زر الذهاب إلى الأعلى
إغلاق
إغلاق