واليناك

يبو الحسنين بالأرحام واليناك *** اوتغدينه ابلبن حبك اوحبيناك

بالأسباب ما ندري *** فطره او بالدمى تجري
لقينا الشوق يا حيدر *** ويه ارواحنه يسري

من اسمك يجي علبال *** يهيج القلب بالآمال
اشوف المصطفى وشقال *** منبعدي الولي حيدر

واليناك بلفطره *** اوجينه نبعث الذكرىْ
بالأحزان وبالأشجان *** يروحي ويا بدر هري
جزاك الشوق يا عمري *** جزاك الشوق يا عمري
اريدك ليله الوحشة *** تحضرني بوصت قبري

مالي بالعمل منجات *** كثريه ذنوبي والزلات
بس حبك على الميزان *** يخلي الحسنى بالرجحات

عندك ياهدى الإيمان *** وقفت بحاجتي او امري
ولقيت الشوق ياحيدر *** ويا ارويحتي يسري

يبو الحسنين بالأرحام واليناك *** اوتغدينه ابلبن حبك اوحبيناك

بالأسباب ما ندري *** فطره او بالدمى تجري
لقينا الشوق يا حيدر *** ويه ارواحنه يسري

ابد بالعمر أنساك *** اودم ابكربتي انخاك
واخلي بلوتي بحماك *** وأصيح الغوث ياحيدر

تجي البلوى بأثر بلوى *** والعسرى بعد عسرى
بالأيمان والأذعان *** إلى المخصوص بالطهرِ
اومنه استمد صبري *** اومنه استمد صبري
اولو دارت رحى الأهوال *** تهون النايبه بصدري

مالي بالعمر غايه *** بس حبك والولايه
الك يا صفوة العتره *** وبالأطهار والزهره

أصد النار يوم النار *** ماعندي عمل تدري
اولقيت الشوق ياحيدر *** ويارويحتي يسري

يبو الحسنين بالأرحام واليناك *** اوتغدينه ابلبن حبك اوحبيناك

بالأسباب ما ندري *** فطره او بالدمى تجري
لقينا الشوق يا حيدر *** ويه ارواحنه يسري

اسير العين والعرصه *** اوطرف اضواك يتقصه
اشوف الأمر يتعصه *** او ما عندي سوى حيدر

او مني طايره لعيون *** ونادي يا شبه هارون
مواليكم يناديكم *** مواليكم يناديكم

اوذنوبه قاصمه ظهره *** اريدك تكشف الشده
قسمت بأضلع الزهره *** قسمت بأضلع الزهره

عن النيران تبعدني *** اوعلى قدرك تحاسبني
ياحيدر ها تدري خالي *** من العمل سفرى
اولقيت الشوق يا حيدر *** ويه ارويحتي يسري


الشاعر غازي الحداد | ديوان الحزن المعشوق

مقالات ذات صلة

اترك تعليقاً

زر الذهاب إلى الأعلى
إغلاق
إغلاق